ફોર એસ વી -પ્રભાતનાં પુષ્પો

છંદ…બસીત (ગઝલ
ગાગાલગા ગાલગા ગાગાલગા ગાલગા

લાગે ભલી મધુર આ વાતો બધી ગગનની
ગમતી મને લીલુડી મારી ધરા સ્વજનસી

કેવી રૂડી ખીલતી ઋતુઓ ધરા ચમનથી
કેમ તુજને વિસરું જ દુલારી ધરા સ્વજનસી

જાણી કથા સ્વર્ગની રૂપલી બધી હરખથી
શ્રધ્ધા વિભૂતિ સત જ સુચારી ધરા સ્વજનસી

જન્મ ધરી ભોમકા ખીલ્યો થઈ લીલુડો
ફૂલો ધરી બનું હું પૂજારી ધરા સ્વજનસી

ઘૂમે નભે નજર તું બની વાદળી વિરહની
મ્હેંકે મમતથી ઉરે પ્યારી ધરા સ્વજનસી

મેઘલ જલ અમી ભરી હરખાવતા વતનને
કલરવ થકી ગાય એ ન્યારી ધરા સ્વજનસી

ઘૂમું ગગન મધ્યમાં બંધન લઈ ધરણનાં
‘દીપ જલતાં ખીલતી પ્યારી ધરા સ્વજનસી

          – ‘આકાશદીપ’ (‘Aakashdeep’ Ramesh Patel – Dhara Swajansi. Ghazal in Gujarati. Literature and art site)

બાવાના બેય બગડી ગયા એના પ્રેમમાં,
હરરાત એને જાય લઈ દુઃખના દેશમાં.

છોડીને જેને જેના માટે ખેલવા ગયો,
ખેલાડી ને એ ખેલ બધું ગુમ અંધેરમાં.

છે શાંત આસપાસ સકળ, ના કોઈ ચલન,
બસ નાદ અનાહતનો ઊઠે ખાલી પેટમાં.

કંકણ ખણકતા સૂણી કમંડળ મહીં ક્વચિત્,
ચીપિયો પછાડી બોલે- અલખ! આછા ઘેનમાં.

એને ભભૂતિનો જ હવે આશરો રહ્યો,
કંઈ કેટલીયે હૂંફ ઠરી હોય ચેહમાં.

૬-૧૨-૨૦૦૯

          – પંચમ શુકલ

અન્ય રચનાઓ

પંચમ શુક્લ – એ હોય છે

પંચમ શુક્લ – કોણે કીધું કે ગીત…?

પંચમ શુક્લ – ખગ-વિવર્ણ-ખેવના

પંચમ શુક્લ – ચક્કર નરાતાર…

પંચમ શુક્લ – યુનિકોડ ઉદ્યોગ

પંચમ શુક્લ – સંવનન એક ઉખાણું

(Pancham Shukla – Bawa na bae. Ghazal in Gujarati. Literature and art site)

એક તારી ગડમથલમાંથી છૂટી શકું તો બસ !
અડધી લખી ગઝલમાંથી છૂટી શકું તો બસ…

હું ‘હું છું’ના અમલમાંથી છૂટી શકું તો બસ,
જગની ભૂંડી નકલમાંથી છૂટી શકું તો બસ.

મારા સમયના વક્ષમાં હરપલ જે ખૂંચે છે,
એક જ એ આળી પલમાંથી છૂટી શકું તો બસ.

તારા વિશેનો માર્ગ તો સીધો છે, જાણું છું;
થોડો અગલબગલમાંથી છૂટી શકું તો બસ !

આ આયનાના ગામમાં બચવું છે સહેલું ક્યાં ?
એક મારા હમશકલમાંથી છૂટી શકું તો બસ.

ગઈકાલ આજનું ગળું ટૂંપ્યા કરે સતત,
ક્ષણભર આ દડમજલમાંથી છૂટી શકું તો બસ.

         - ડૉ. વિવેક મનહર ટેલર

અન્ય રચનાઓ

ડૉ. વિવેક મનહર ટેલર – એવો પત્થર વિશ્વમાં મળશે નહીં

ડૉ. વિવેક મનહર ટેલર – છૂટ છે તને

ડૉ. વિવેક મનહર ટેલર – કુંવારી નદીની તરસ

ડૉ. વિવેક મનહર ટેલર – ગઝલ

ડૉ. વિવેક મનહર ટેલર – મને આ સફર મળે

ડૉ. વિવેક મનહર ટેલર – મળતી રહે

ડૉ. વિવેક મનહર ટેલર – રોજ

ડૉ. વિવેક મનહર ટેલર – જમુનાનાં જળ

ડૉ. વિવેક મનહર ટેલર – નહિ રૂઠું

ડૉ. વિવેક મનહર ટેલર – શબ્દ

(Dr. Vivek Tailor – Chhuti sakhu toe bus. Ghazal in Gujarati. Literature and art site)

(ખાસ દીપક ત્રિવેદીના આભારી છીએ આ ગઝલ મોકલવા બદલ)

સામાય ધસી જઇયે, આધાંય ખસી જઇયે,
એકાદ મળે ક્ષણ તો ક્ષણમાંય વસી જઇયે.

આમેય વિતાવવાની છે રાત સરોવરમાં,
તો ચાલ કમલદલમાં આ રાત શ્વસી જઇયે.

એકેક કસોટીમાં છે પાર ઉતરવાનું,
હર શ્વાસ કસોટી છે, એનેય કસી જઇયે.

આ ફીણ તરંગોનાં છે શીખ સમંદરની,
રેતાળ કિનારા પર હેતાળ હસી જઇયે.

ઉત્કંઠ હવામાં છે સંગાથ સુગંઘોનો,
હોવુંય હવે ઉત્સવ, આકંઠ શ્વસી જઇયે.

         - રાજેન્દ્ર શુકલ

અન્ય રચનાઓ

રાજેન્દ્ર શુકલ – તમને ખબર નથી

રાજેન્દ્ર શુકલ – ફૂલ

રાજેન્દ્ર શુક્લ – અવાજ જુદો

રાજેન્દ્ર શુક્લ – ઈચ્છાની આપમેળ

રાજેન્દ્ર શુક્લ – ગઝલ

રાજેન્દ્ર શુક્લ – ગઝલ-સંહિતા

રાજેન્દ્ર શુક્લ – તું કોણ છે?

રાજેન્દ્ર શુક્લ – પગલાં કુંકુમઝરતાં

રાજેન્દ્ર શુક્લ – બદલું છુ

રાજેન્દ્ર શુક્લ – ભરથરી-૧

રાજેન્દ્ર શુક્લ – ભરથરી-૨

રાજેન્દ્ર શુક્લ – ભરથરી-૩

રાજેન્દ્ર શુક્લ – મેં દીઠા છે !

(Rajendra Shukla. Samai Dhasi Jaiyae . Ghazal. Gujarati Literature and art site)

ઝીંકો જો ઘાવ જળમાં તો જળ ને શું થવાનું ?
તડકા ની આવ-જા થી વાદળને શું થવાનું ?

ભીના પતંગિયા કે ઈચ્છા નું હો સરોવર …
સઘળું લખી જવાથી કાગળને શું થવાનું ?

આંખો માં જઈ અચાનક પળ માં વળે જે પાછા..
સપના ઉગાડવાથી કાજળ ને શું થવાનું ?

કંઈ કેટલાં મુકામે પહાડ-ખીણ-કોતર..
નદીમાં આવવાથી ખળખળ ને શું થવાનું ?

વંટોળીયા સામે પડે કે તોફાન સૂસવે
સૂર્યના વલયને ઝળહળ ને શું થવાનું ?

          – દીપક ત્રિવેદી(‘Deepak Trivedi – Shu thavau. Ghazal in Gujarati. Literature and art site)

પવન ફરકે તો એ રીતે ફરકજે પાન ના ખખડે !
કોઈને સ્વપ્નમાં માંગી અમર હમણાં જ સૂતો છે.

દવા તો શું હવે સંજીવની પણ કામ નહીં આપે,
જીવનના ભેદને પામી અમર હમણાં જ સૂતો છે.

ગયો એ હાથથી છટકી, હવે શું બાંધશે દુનિયા-
બધાંયે બંધનો ત્યાગી, અમર હમણાં જ સૂતો છે.

ન જાગે એ રીતે ઊંચકીને એને લઈ જજે, દુનિયા !
સમયની કૂચમાં થાકી, અમર હમણાં જ સૂતો છે.

          – અમર પાલનપુરી

અમર પાલનપુરી – એક ઉઝરડે

(Amar Palanpuri- Amar hamana j suto chhe. Ghazals in Gujarati. Literature and art site)

લ્યો અમારા પ્રેમને પીંછું કહી દો,
એ ન ફાવે તો કશું બીજું કહી દો.

ફેરવો નહિ આમ અમને ગોળગોળ,
જે કહેવું હોય તે સીધું કહી દો.

પ્રેમ, નફરત, ધૂળ, ધાણી કે કશું પણ,
શું અમારી આંખમાં દીઠું ? કહી દો.

આપ બોલી ના શકો ઊંચા સ્વરે તો,
કાનમાં આવી ધીમું ધીમું કહી દો.

સાચવે છે આપનાં સઘળાં સ્મરણને,
આ હૃદયને લ્યો હવે ખિસું કહી દો.

શક્ય છે હું વૃક્ષ માફક જાઉં ખીલી,
જો તમે કાંઈક લીલું લીલું કહી દો.

          – અનિલ ચાવડા

અનિલ ચાવડા – જીવન ચણવા બેઠા

(Anil Chavda. Prem nu Pichu. Ghazal in Gujarati. Literature and art site)

તારું ઠેકાણું મળ્યું છે જ્યારથી
હું મને શોધી રહ્યો છું ત્યારથી !

મારા હાથોમાં હવે શક્તિ નથી !
તું મને સંભાળ મારા સારથી !

આ તરફ પણ ઝાઝાં તોફાનો નથી
આવ તું આ પાર પેલે પાર થી !

તું હજી પણ નીચે ઊતરતો નથી ?
વાટ જોઉં છું હું તારી ક્યારથી !

જિંદગીનું સત્ય સમજાઈ જશે !
સાંભળો એકવાર અમને પ્યારથી !

સાર એમાંથીય નીકળી આવશે !
જે મળે લઈ લે હવે સંસારથી !

જિંદગીભર જે રડાવે છે ‘અદી’,
જાન લઈ લે છે એ કેવા પ્યારથી

         - અદી મિરઝાં

અદી મિરઝાં – શું છે ?

અદી મિરઝાં – શેર

(Adi Mirza. Taru Thekanu – Ghazal in Gujarati. Literature and art site)

સાચું ખોટું રમીએ છીએ,
ખાલી થાળી જમીએ છીએ.

ઠંડા શ્વાસો ભરીએ છીએ.
મન માંહે સમસમીએ છીએ.

ક્ષણ માંહે સળગીએ છીએ.
ધીમે ધીમે ઠરીએ છીએ.

ઘા લાગે તરફડીએ છીએ.
પણ મરવાથી ડરીએ છીએ.

કાચના ઘરમાં રહીએ છીએ.
રોજ અજમ્પો સહીએ છીએ.

કેવું કેવું જીવીએ છીએ.
હોઠને કેવા સીવીએ છીએ.

રોજ સરકતા સમયની સાથે,
કાળના મુખમાં સરીએ છીએ.

હર ઘટનામાં જન્મી જન્મી,
હર ઘટનામાં મરીએ છીએ.

          – પ્રફુલ્લ દવે (Praful Dave – Sacchu Khotu Ramiyae chhiyae. Ghazal in Gujarati. Literature and art site)

સોળમા આ સાલે જોબન ટહુકે રે !
જો ગુલાબી ગાલે જોબન ટહુકે રે !

આંખમાં છે સોણલા સો છુપાયા,
પાપણોની ઢાળે જોબન ટહુકે રે !

કેટલી અચરજ હશે એના હૈયે?
ઊર્મિના ઊછાળે જોબન ટહુકે રે !

રંગબે રંગી છે એના ઑરતા.
ફાગણીયા ફાલે જોબન ટહુકે રે !

લપસણી છે વાટ એને શૅ ટાળું?
દોડતી આ ચાલે જોબન ટહુકે રે !

કે સતત પડઘા પડે છે શા ચેતન?
કો અજાણ્યા તાલે જોબન ટહુકે રે !

         - ચેતન ફ્રેમવાલા (Chetan Framewala. Joban tahuke re. Ghazal in Gujarati. Literature and art site)