Archive for November, 2005

સુરેશ દલાલ – પ્રેમ કરું છું

Wednesday, November 30th, 2005

‘હું તો તમને પ્રેમ કરું છું’, કેટલી સરળ વાત,
એટલી વાતને કહેવા માટે કેટલો વલોપાત.

‘કહ્યા પછી શું ?’ ની પાછળ
શંકા અને આશા,
શબ્દો વરાળ થઈને ઊડે
ભોંઠી પડે ભાષા.

દિવસ સફેદ પૂણી જેવો : પીંજાઈ જતી રાત,
’હું તો તમને પ્રેમ કરું છું’, કેટલી સરળ વાત.

પ્રેમમાં કોઈને પૂછવાનું શું :
આપમેળે સમજાય,
વસંત આવે ત્યારે કોયલ
કેમ રે મૂંગી થાય ?

આનંદની આ અડખેપડખે અવાક્ છે આઘાત,
‘હું તો તમને પ્રેમ કરું છું’, કેટલી સરળ વાત.

          -સુરેશ દલાલ (Suresh Dalal- Prem karu Chhu. Poems in Gujarati. Literature and art site)
(via રીડગુજરાતી.કોમ )

જવાહર બક્ષી – ન કર

Tuesday, November 29th, 2005

Jawahar Bakshiભર વસંતે આમ ઉનાળો ન કર
હિમકણચ છું ઝાઝો હૂંફાળો ન કર

જે બધું છૂંટયું એ ભૂલી જા હવે
બાદબાકીઓનો સરવાળો ન કર

માત્ર પડછાયા જ ફેલાશે અહીં
ગામ વચ્ચે ખુદને ઉજમાળો ન કર

માનસરનાં મોતી બોલાવે તને
હંસ થઇને વ્રુક્ષ પર માળો ન કર

શબ્દ સોનેરી મળ્યો છે મૌનમાં
આમ એ લખ કરી કાળો ન કર

          -જવાહર બક્ષી(Jawahar Bakshi – N kar. Ghazal in Gujarati. Literature and art site)