Month: May 2006

જગદીશ જોષી – હવે

હવે,
સપનાંને લાગે છે આછેરો થાક !
મારાં સપનાંઓ કેમ નહીં જંપો જરાક ?

પાંખ રે ખોલી ને ત્યાં તો આભ રે અલોપ:
આંખો ખોલ્યાનો આ તો કેવો રે કોપ !
નહીં પાછા ફરવાનો મળે કયાંય રે વળાંક
હવે, સપનાંને લાગે છે આછેરો થાક !

રેતી પર ટળવળતી માછલીઓ જેમ
કૂણાં સપનાંઓ આજ લગી આળોટ્યાં કેમ ?
દરિયો આ ઘૂઘવે ને કાંઠા અવાક !
હવે, સપનાંને લાગે છે આછેરો થાક !

       – જગદીશ જોષી(Jagdish Joshi – Havae. Poems in Gujarati. Literature and art site)

Tags :

દિનેશ ડોંગરે – બેક-અપ

સ્ર્કીન-સેવરની જેમ લાગણીના દ્રશ્યો
એક પછી એક બદલી નાંખીએ,
ડિસ્કની ડિટૈલ્સ તો કરપ્ટ પણ થાય,
પ્રેમ બેક-અપમાં સાચવીને રાખીએ.

       – દિનેશ ડોંગરે(Dinesh Dongare – Backup. Shayari, Vicharo in Gujarati. Literature and art site)

Tags :

‘ઇર્શાદ’ ચિનુ મોદી – ઇચ્છા

ચિનુ મોદી 'ઇર્શાદ'/ Chinnu Modi

કોઇ ઇચ્છાનું મને વળગણ ન હો.
એજ ઇચ્છા છે, હવે એ પણ ન હો.

         – ચિનુ મોદી “ઇર્શાદ”(Chinnu Modi- Ichha. Shayari, Vicharo in Gujarati. Literature and art site)

Tags :

પ્રહલાદ પારેખ – મેહુલિયો

આવે આવે ને જાય રે મેહુલિયો
આવે આવે ને જાય

ઓલી વાદળીની ઓથે છુપાય રે મેહુલિયો,
આવે આવે ને જાય (૨)

શ્રાવણીયો બેસતાં ને આસો ઉતરતા (૨)
લીલા ખેતરીયા લ્હેરીયા
આવે આવે ને જાય (૨)

સરિતા સરોવર ને કૂવાને કાંઠડે (૨)
નીરે નીતરતા સોહાય
આવે આવે ને જાય (૨)

       – પ્રહલાદ પારેખ (Prahlad Parekh. Mehuliyo. Poems, garba raas, lok sahitya in Gujarati. Literature and art site)

Tags :

આદમ ટંકારવી – વાંસળી

આદમ ટંકારવી  / Adam Tankarvi

ખરૂં પૂછો તો ફૂંકોમાં ફરક છે,
નહીતર એકસરખી જ વાંસળી છે.

         -આદમ ટંકારવી (Adam Tankarvi. Vasali. Shayari, Vicharo in Gujarati. Literature and art site)

Tags :

લોક સાહિત્ય – વસમા લાગ્યા છે મને મુંબઇના વાયરા

વસમા લાગ્યા છે મને મુંબઇના વાયરા
ભોળી હું તો ગામડાની નાર રે
સોણલા સાંભરે સોહમણા

વાસીદા વાળતી ને ઠામણા ઉજાળતી
ગામને કૂવેથી બેડાં પાણી ભરી લાવતી
દળણું દળતી પાલી ચાર રે – સોણલા

સીધો સેંથોને વળી ઝૂલફાં રખાવતી
ઘૂંઘટના મેલીને માથું ઉઘાડું મેલતી
કડલાં કાંળીનો બહુ ભાર રે – સોણલા

લાખેણી લજ્જા એ તો સ્ત્રીનો અવતાર છે
શહેરી જીવનમાં નહી સાર રે
સોણલા સાંભરે સોહમણા
વસમા લાગ્યા છે …

(Vasma lagiya chhe mane Mumbai na vayara. Poems, garba raas, lok sahitya in Gujarati. Literature and art site)

‘બેફામ’ બરકત વીરાણી – જિંદગી

જિંદગી તો એની એ જ રહેવાની છે,જાગો કે ઊંધો,
કાં તો ખ્વાબી થાય છે, કાં તો ખયાલી થાય છે!

         – ‘બેફામ’ બરકત વીરાણી (‘Baefam’ Barkaat Virani. Zindagi. Shayari, Vicharo in Gujarati. Literature and art site)

Tags :

સમાચાર – વાતચીત

વ્હાલા સાઇબર મિત્રો ગુજરાત અને ગુજરાતી શબ્દો સાથે ગર્વ અને ગરવી શબ્દો બહુ ગૂઢ ગુંથાઇ ગયા છે. આજ ગર્વથી આજે આપ સહુ સાથે એક નવું પગલું ભરુ છું – “વાતચીત” દ્વારા.

“વાતચીત” છે નામ આપણા સહુના મંચનુ. આ છે આપણા સુખ-દુ:ખ, આશા-હતાશા, વિચાર-સૂચન, માહિતી-અનુભવ ના વિવિધ રંગોને વાગોળવાનું સાઇબર ઘર.

મારે ઘેર જરૂર પધારજો.
(Vaat-Chit. Samachar in Gujarati. Literature and art site)

મરીઝ – આ દુનિયાના લોકો

આ દુનિયાના લોકો આ દુનિયાની રીત
કદી સારા માણસને ફાવે નહીં
જીવો તો કરે દાટવાની જ વાત
મરો તો દફન કરવા આવે નહીં

દુનિયા ન કોઇ વાત બરાબર કહેશે
જીતો જો જમાનાને સિકંદર કહે છે
ખૂબીને રજૂ કરશે એ ઉલ્ટી રીતે,
પાણીમાં કરો માર્ગ તો પથ્થર કહેશે

જણસ અમૂલી અમસ્તી બનાવી નાખી છે
પરાયા શહેરમાં વસતી વસાવી નાખી છે
મરીઝ પાણી ન જોયું મેં જ્યારે હરીફોમાં
મેં મારી જાતને સસ્તી બનાવી નાખી છે

         – મરીઝ (Mariz. Aa Duniya na loko. Kavita in Gujarati. Literature and art site)

Tags :

સુરેશ દલાલ – રાહ જોઉં છું

કોઇ રસ્તાની ધારે ધારે બેસ્ય સાંજ-સવારે
                           તારી રાહ જોઉં છું. (ટેક)
ઊડતાં ઊડતાં પંખીઓ પણ તારું નામ પુકારે.. તારી રાહ…

તારું નામ લઇને આભે સૂર્યોદય પણ થાતો.
સૂરજ તારું નામ લઇને સાંજે ડૂબી જાતો.
કદીક આવશે તું : એવા અગમતણા અણસારે.. તારી રાહ…

વનનીકેડી વાંકેચૂકી : મારી કેડી સીધી.
મેં તો તારા નામની મીઠી અમ્લકટોરી પીધી.
રાતની નીરવ શાંતિ : એના રણઝણતા રણકારે.. તારી રાહ…

          -સુરેશ દલાલ (Suresh Dalal- Rah jov chhu. Poems in Gujarati. Literature and art site)

Tags :

પ્રવીણ ભુતા – સંબંધ

         તે દિવસે
    નાળ કપાઇ હતી
    મને પ્રસવતા…
       ફરી આજે
તને વૃદ્ધાશ્રમે દોરી જતા…

         – પ્રવીણ ભુતા (Pravin Bhuta. Sambandh. Kavita, Vicharo in Gujarati. Literature and art site)

Tags :

પ્રવીણ ભુતા – વહેંચણી

દિકરા જુદા થયા
બધું વહેંચી લીધું.
    બાકી રહી
         મા…!

         – પ્રવીણ ભુતા (Pravin Bhuta. Vahchani. Kavita, Vicharo in Gujarati. Literature and art site)

Tags :

ડૉ. વિવેક મનહર ટેલર – એવો પત્થર વિશ્વમાં મળશે નહીં

(છેલ્લા બે દિવસથી સંસ્કારનગરી વડોદરામાં રસ્તા વચ્ચે દબાણરૂપ એક દરગાહ કૉર્પોરેશન દ્વારા તોડી પાડવામાં આવતા અચાનક કોમી રમખાણ શરૂ થઈ ગયા છે. નિર્દોષ લોકોની જાનહાનિ અને માલસામાન-કામધંધાની પાયમાલી ઉપરાંત કશુંક બીજું પણ આ દાવાનળમાં ભડભડ બળી રહ્યું છે જેના પર કોઈની નજર જ નથી! માણસ-માણસ વચ્ચેના આ તૂટી રહેલા રસ્તા વિશે પેશ છે એક ગઝલ. બાબરીધ્વંસવેળા લખેલી આ ગઝલ આજે પણ લાગે છે કે અપ્રસ્તુત નથી.)

રક્તથી સીંચાઈને બનશે નહીં,
ઈંટ કોઈ પણ અહીં ટકશે નહીં.

લોહીના એક બુંદથી હો કિંમતી
એવો પત્થર વિશ્વમાં મળશે નહીં.

શ્વાસમાં મ્હોર્યો હતો વિશ્વાસ જે,
કોઈ આંખોમાં કદી જડશે નહીં.

બાબરી બાંધો કે મંદિર, વ્યર્થ છે –
કોઈ કોઈને હવે ભજશે નહીં.

રામલલ્લા બોલો કે અલ્લાહ્ કહો,
એ અહીં મળતાં નથી, મળશે નહીં.

આદમીના દિલથી થઈને દિલ લગી
જાય એ રસ્તો હવે બનશે નહીં.

         – ડૉ. વિવેક મનહર ટેલર (Dr. Vivek Tailor – Aavo Pathat Vishwva ma malsae nahi . Kavita in Gujarati. Literature and art site)

Tags :

ડૉ. મુકુલ ચોકસી – નથી

સામેનો રથ આ વાતથી અણજાણ પણ નથી;
કે મારી પાસે એક્કે ધનુષ-બાણ પણ નથી.

વિસ્તરતી ચાલે મારી ક્ષિતિજો આ દૂર.. દૂર..
ને આમ કોઈ જાતનું ખેંચાણ પણ નથી.

માટે તો અર્થહીન આ ઊભા રહ્યા છીએ,
ત્યજવું નથી, ને કાયમી રોકાણ પણ નથી.

સંપૂર્ણ શાંતિ કેવી રીતે સંભવી શકે!
કર્ફ્યુ નખાય એટલું રમખાણ પણ નથી.

         
– ડૉ. મુકુલ ચોકસી(Dr. Mukul Choksi – Nathi.. Ghazal in Gujarati. Literature and art site)

Tags :