Archive for October, 2007

ડૉ. રઇશ મનીયાર – તૂટે

Tuesday, October 23rd, 2007

સંગેમરમરનો નહીં આજ મલાજો તૂટે,
આ કલમ મૌન થશે શિલ્પ જરા જો તૂટે.

રસ્મ તૂટે કે ભલે રીત રિવાજો તૂટે,
તૂટે માણસ ન કદી, ચાહે સમાજો તૂટે.

ચાલ એવી કોઇ સરહદમાં પ્રવેશી જઇએ,
જ્યાં પ્રકાશો ન તૂટે જ્યાં ન અવાજો તૂટે.

શબ્દ બસ લાકડાની જેમ તણાઇ આવ્યા,
લોહીમાં દર્દ ભર્યાં રોજ જહાજો તૂટે.

એક માણસથી ‘રઇશ’ કેટલા શેરો નીપજે ?
એક જીવતરમાં ‘રઇશ’ કેટલી સાંજો તૂટે?

         - ડૉ. રઇશ મનીયાર(Dr. Raeesh Maniar – Shamanu bhalae. Ghazals in Gujarati. Literature and art site)

દત્તાત્રય ભટ્ટ – રણ બનાવીએ

Sunday, October 21st, 2007

અર્થને શખ્દે મૂકી ગોફણ બનાવીએ,
ઝાંઝવાં ભેગાં કરીને રણ બનાવીએ.

દોટ, ચિંતા, વ્યસ્તતા, પાષાણતા વરચે,
કૈં કરીએ એવું, એને જણ બનાવીએ.

પાંદડાંને ડાળથી વિરછેદવા માટે,
આપણું તો એવું કે, ભૈ ! ઘણ બનાવીએ.

ચાડિયો દેખીને પથ્થર ચૂગવા માંડે,
છૂટતા ગોફણથી પથ્થર ચણ બનાવીએ.

ઝૂમતા રોકી શકે છે કોણ ? કઇ રીતે ?
આંસુનાં ઝાંઝર અને કંકણ બનાવીએ.

         - દત્તાત્રય ભટ્ટ (Dattatray Bhatt . Raan Banaviyae. Ghazals in Gujarati. Literature and art site)

લાલજી કાનપરિયા – એક રાતના

Friday, October 12th, 2007

એક રાતના ખેતર મારા સપનામાં આવ્યું
હળવે રહીને બંધ આંખમાં પાની લીલું ફરકાવ્યું !

સદીઓની સદીઓથી મને હું ખેતર ખેડતો લાગું
પરસેવાના બદલામાં હું ધાન મુઠ્ઠી માગું.

કૂણાં કૂણાં કણસલાંએ મોં મીઠું મલકાવ્યું !
એક રાતના ખેતર મારા સપનામાં આવ્યું.

વાદળ વરસી અનરાધારે લાગણિયું પખાળે
ચાસ ચાસમાં લ્હેરાતો મોલ અવસર લીલા પાળે !

નભરાજાએ સાત રંગનું છોગલડું લહેરાવ્યું !
એક રાતના ખેતર મારા સપનામાં આવ્યું.

ખેતર વરચે ઊભો ચાડિયો હજીય સાચવે નાતો
સંભળાવે છે સીમ આખ્ખીની લીલીછમ વાતો !

પંખીઓએ કલકલ નાદે ઝરણું એક વહાવ્યું !
એક રાતના ખેતર મારા સપનામાં આવ્યું.

         - લાલજી કાનપરિયા(Lalji Kanpariya – Ek Raatna. Kavita / Poems in Gujarati. Literature and art site)

વિનોદ ભટ્ટ – તારી હાઇટનું કંઇક કર તો વિચારીએ..!

Thursday, October 11th, 2007

(જન્મદિવસ મુબારક શ્રિ અમિતાબ બચ્ચનજી)

૮૦ અને ૮૫ વર્ષના, પોતાના પગ પર ઊભા નહીં રહી શકનાર, શ્રવણયંત્રની મદદ વગર પૂરું સાંભળી પણ નહીં શકનાર અને બોલતી વખતે જેમની જીભ ગરબા ગાતી હોય એવા આપણા પોલિટિશિયનો રાજકારણમાંથી ક્ષેત્રસંન્યાસ લેતા નથી.

એમને કોઈ કહેનાર નથી ને હજી જે પૂરાં ૬૫ વર્ષનો પણ થયો નથી એ અમિતાભ બરચન માટે છાપાંવાળાઓ કાગારોળ કરી રહ્યા છે કે આ અમિતાભ તો જુઓ, આજે પાંસઠનો ઢાંઢો થવા આવ્યો છતાં ફિલ્મોમાંથી નિવૃત્તિ લેવાનું નામ નથી લેતો, ઊલટાનું એનાથી પણ અડધી ઉંમર ધરાવતી છોકરીઓ સામે હીરોગીરી કરે છે, નારયા કરે છે.
(more…)

‘ફક્ત’ તરુન – થઇ ગયો

Wednesday, October 3rd, 2007

(ખાસ ‘ફક્ત’ તરુનભાઇના આભારી છીએ આ ગઝલ મોકલવા બદલ)

'ફક્ત' તરુન

          – ‘ફક્ત’ તરુન (Fakat, Tarun. Thai Gayo. Ghazal in Gujarati. Literature and art site)

અદી મિરઝાં – શું છે ?

Monday, October 1st, 2007

જીવનનું સત્ય શું છે, આંખોના ખ્વાબ શું છે?
બોલો આ જિંદગીનો સાચો જવાબ શું છે ?

દુ:ખની ગનતરીમાં તો દિવસો વહી જવાના
પૂછો તો હમણાં કહી દઉં સુખનો હિસાબ શું છે ?

બસ દૂરથી જ જોઇ એના વિશે ન બોલો
વાંચીને અમને કહેજો દિલની કિતાબ શું છે ?

દુ:ખના તો ચાર દિવસો પી પીને મેં વીતાવ્યા
કોઇ મને બતાવે એમાં ખરાબ શું છે ?

વર્ષોથી આપણે તો જોઇ નથી બહારો
ચાલ આવ જોઇ લઇએ ખીલતું ગુલાબ શું છે ?

જીવન ગયું છે એમાં, તો પણ ન જાણ્યું સાકી !
મયખાનું તારું શું છે, તારો શરાબ શું છે ?

છોડો અદી હવે તો એની ગલીના ફેરા
ઘડપણમાં આવી હરકત ? તોબા જનાબ શું છે ?

         - અદી મિરઝાં (Adi Mirza. Shu Chhe – Ghazal in Gujarati. Literature and art site)