ઝવેરચંદ મેઘાણી – તલવારનો વારસદાર

ઝવેરચંદ મેઘાણી / Zaverchand Meghani

ભેટે ઝૂલે છે તલવાર
વીરાજી કેરી ભેટે ઝૂલે રે.
ભીંતે ઝૂએ છે તલવાર
બાપુજી કેરી ભીંતે ઝૂલે રે.
મારા બાપુને, બે’ન બે બે કુંવરિયા
બે વચ્ચે પાડયા છે ભાગ:
હાં રે બે’ની બે વચ્ચે પાડ્યા છે ભાગ
વીરાજી કેરી ભેટે ઝુલે રે.
મોટે માગી છે મો’લ મે’લાતો વાડીઓ
નાને માંગી છે તલવાર – વીરાજી.
મોટો મા’લે છે મો’લ મેડીની સાયબી
નાનો ખેલે છે શિકાર – વીરાજી.
મોટો ચડિયો છે કાંઈ હાથી-અંબાડીએ
નાનેરો ઘોડો અસવાર – વીરાજી.
મોટો કાઢે છે રોજ કાવા કસૂંબલા
નાનેરો ઘૂમે ઘમસાણ – વીરાજી
મોટો પોઢે છે લાલ રંગીલે ઢોલિયે
નાનો ડુંગરડાની ધાર – વીરાજી
મોટો મઢાવે વેઢે વીંટીને હારલા
નાનો સજાવે તલવાર – વીરાજી.
મોટાને સોહે હીર-જરિયાની આંગડી
નાનાને ગેંડાની ઢાલ – વીરજી
મોટો સંતાય સુણી શત્રુના રીડિયા
નાનેરો દ્યે છે પડકાર – વીરાજી
મોટો ભાગ્યો છે સેન શત્રુનાં ભાળતા
નાનેરો ઝીંકે છે ઘાવ – વીરાજી.
મોટે રે માડી, તારી કૂખો લજાવી
નાને ઉજાળ્યા અવતાર – વીરજી.
મોટાનાં મોત ચાર ડાઘુડે જાણિયાં
નાનાની ખાંભી પૂજાય – વીરાજી.
ભેટે ઝૂલે છે તલવાર
વીરાજી કેરી ભેટે ઝૂલે રે
ભીંતે ઝૂલે છે તલવાર
બાપુજી કેરી ભીંતે ઝૂલે રે.

          – ઝવેરચંદ મેઘાણી (Zaverchand Meghani – Talwaar no varasdar. Kavita / Poems in Gujarati. Literature and art site)

Tags :

8 thoughts on “ઝવેરચંદ મેઘાણી – તલવારનો વારસદાર”

  1. khub saras i love this song.a read kari mane khub good feel thayu ane apadi sanskruti joi.thanx u very much……

  2. I think one line is missing…
    “Moto jivyo chhe pay shatruna pujato”,
    “Nanero suto sangram”
    “Viraji keri…..”

  3. Zaverchand megani nu collection male to badhu j post kari do…apnu lok sahitya ma je sanskar che ane apan dharma ma je sanskar che teni jarroor ajee ek ek manav ne che…

Comments are closed.

અન્ય રચનાઓ...
ઝવેરચંદ મેઘાણી – ભાઇ
ઝવેરચંદ મેઘાણી – શિવાજીનું હાલરડું
ઝવેરચંદ મેઘાણી – વર્ષા
સમાચાર – ગુજરાતી સારસ્વત પરિચય
ઝવેરચંદ મેઘાણી – સૂરજ ! ધીમા તપો !
ઝવેરચંદ મેઘાણી – કોઇ નો લાડકવાયો
ઝવેરચંદ મેઘાણી – ફાગણનો ફાગ
ઝવેરચંદ મેઘાણી – કેવી હશે ને કેવી નૈ