Archive for March, 2008

ઉદયન ઠક્કર – પ્રેમ અમારો મહાદેવ

Saturday, March 29th, 2008

પ્રેમ અમારો મહાદેવ, ને અમે પ્રેમના નંદીજી,
આંખ મારતી જે જે છોરી, અમે એમના બંદીજી !

એક છોરીએ અંગોમાં સાગરનાં મોજાં રાખ્યા છે,
અટકળની આ વાત નથી, મેં થોડા થોડા ચાખ્યા છે.

ઠેર ઠેર એની કાયામાં વમળ વર્તુળ ઊઠે છે,
ઊંડે તાણી જાય છે, મારા શ્વાસો ક્રમશ: તૂટે છે.

મોડું-વહેલું નિશ્ચિત છે, ને તો પણ એને ટાળે છે,
જળસમૂહને એક છોકરી તણખલાથી ખાળે છે.

દિવાસળીના દેશમાં, રમણી, કેમ બચીને રહેવાશે ?
મીણનો જથ્થો નષ્ટ થશે પણ અજવાળાઓ ફેલાશે.

પ્રેમ અમારો મહાદેવ, ને અમે પ્રેમના નંદીજી,
આંખ મારતી જે જે છોરી, અમે એમના બંદીજી !

          – ઉદયન ઠક્કર (Udayan Thakker. Prem Aamaro Mahadev. Kavita in Gujarati. Literature and art site)

દિલીપ મોદી – ચારેકોર

Tuesday, March 18th, 2008

ફક્ત મનમાં લીલી કૂંપળ હોય છે
બાકી ચારેકોર બાવળ હોય છે.

         - દિલીપ મોદી (Dilip Modi. ChaareKor. Shayari, Vicharo in Gujarati. Literature and art site)

દત્તાત્રય ભટ્ટ – થઇ નજર ફરતી

Monday, March 17th, 2008

થઇ નજર ફરતી અને સઘળે થયો આ ઘાટ છે,
મોસમી વરસાદ હોવો જોઇએ, ઉકળાટ છે.

ફૂલ ફોર્યું એટલે કાંટા તરત ભેગા થયા,
કે પવનને બાંધવો પડશે હવે, ભુરરાટ છે.

ઘૂમટો પવને ઊડ્યો ને આંખમાં ઉચળાટ છે,
ગામ ઉજ્જ્વળ થઇ ગયું ને બાગ ફાટફાટ છે.

કસકસી ફફડાટ બાંધ્યો, મોર ટહુક્યા છાતીએ,
સૌ નજર બેબાક છે, ચોળી બની મ્હોંફાટ છે.

એક ઝાંઝરને થયા વીંટી થવાના કોડ જ્યાં,
ગામ, ચૉરે, મંદિરે વ્યાપી ગયો રઘવાટ છે.

         - દત્તાત્રય ભટ્ટ (Dattatray Bhatt . Thai nazar farati. Ghazals in Gujarati. Literature and art site)

મુકેશ જોષી – પથ્થર

Sunday, March 16th, 2008

હોત તું પથ્થર તો સારું થાત કે,
હું તને પૂજી શકત પૂછ્યા વગર.

         - મુકેશ જોષી(Mukesh Joshi. Pathar. Shayari, Vicharo in Gujarati. Literature and art site)

હરીશ પંડ્યા – ગઝલનું વિશ્વ

Saturday, March 15th, 2008

લો ગઝલનું વિશ્વ નવલું ઝળહળ્યું છે,
પાંખ ફેલાવી વિહરવાનું મળ્યું છે.

સાથ એનો જાત મહેંકાવી રહે છે,
ગુલમહોરી છાંય નીચે મન ઢળ્યું છે !

કેટલો આનંદ ઉરને થાય આજે,
એક સમણું ભરબપ્પોરી તો ફળ્યું છે .

રણ ભલે ચોપાસ વિસ્તરતું રહે ને !
સાંભરણમાં એક ઝરણું ખળખળ્યું છે.

મેં શરન લીધું ગઝલનું જ્યારથી આ
દર્દ અંગત – પારકું જાણે હળ્યું છે.

          – હરીશ પંડ્યા (Harish Pandya. Ghazal nu Vishwa. Ghazal in Gujarati. Literature and art site)

દાસી જીવણ (જીવણ સાહેબ) – મોરલો મરતલોકમાં આવ્યો

Friday, March 7th, 2008

મોર, તું તો આવડાં તે રૂપ ક્યાંથી લાવ્યો;
મોરલો મરતલોકમાં આવ્યો

લાલ ને પીળો મોરલો અજબ રંગીલો,
વર થકી આવે વેલો;
સતી રે સુહાગણ સુંદરી રે,
સૂતો તારો શે’ર જગાયો રે;
મોરલો મરતલોકમાં આવ્યો- મોર, તું તો..

ઇંગલા ને પીંગલા મેરી અરજુ કરે છે રે;
હજી રે નાથજી કેમ ના’વ્યો;
કાં તો શામળીયે છેતર્યો ને કાં તો
ઘર રે ધંધામાં ઘેરાયો રે;
મોરલો મરતલોકમાં આવ્યો.- મોર, તું તો..

         - દાસી જીવણ (જીવણ સાહેબ) (Dasi Jeevan (Jeevan Saheb)- Moralo Maratlok ma aaviyo. Bhajan-Aarti in Gujarati. Literature and art site)

‘શેષ’ રામનારાયણ પાઠક – છેલ્લું દર્શન

Thursday, March 6th, 2008

ધમાલ ન કરો, – જરાય નહિ નેન ભીનાં થશો, -
ઘડી બ ઘડી જે મળી – નયનવારિ થંભો જરા, -
કૃતાર્થ થઈ લો, ફરી નહિ મળે જ સૌંદર્ય આ,
સદા જગત જે વડે હતું હસન્તું માંગલ્ય કો!

ધમાલ ન કરો, ધરો બધી સમૃધ્ધિ માંગલ્યની,
ધરો અગરુ દીપ ચંદન ગુલાલ ને કુંકુમ;
ધરો કુસુમ શ્રીફલો, ન ફરી જીવને આ થવો
સુયોગ અણમૂલ સુંદર સુહાગી માંગલ્યનો!

ધમાલ ન કરો, ન લો સ્મરણ કાજ ચિહ્ને કશું,
રહ્યું વિકસતું જ અન્ત સુધી જેહ સૌંદર્ય, તે
અખંડ જ ભલે રહ્યું, હ્રદયસ્થાન તેનું હવે
ન સંસ્મરણ વા ન કો સ્વજન એ કદી પૂરશે.

મળ્યાં તુજ સમીપે અગ્નિ! તુજ પાસ જુદાં થિંયેં,
કહે, અધિક ભવ્ય મંગલ નથી શું એ સુંદરી?

       -’શેષ’ રામનારાયણ પાઠક (‘Shesh’ Ramnarayan Pathak- Chhelu darshan. Kavita / Poems in Gujarati. Literature and art site)

સિતાંશુ યશશ્ચંદ્ર -મધ્યરાત્રીએ કોયલ

Wednesday, March 5th, 2008

આ પગથી પર પગલાં પડ્યાં રહ્યાં છે, જોયાં !
      આ ચાંદોયે આજે ઊગ્યો છે ગઇ કાલનો,
પગલાંમાંથી ચરણો ચાલ્યાં ગયાં છે કોનાં ?
            આ ચાંદો કેમ આજે ઊગ્યો છે ગઇ કાલનો?
નીડે સૂતાં ટોળે કાળુડાં બચોળિયાં
      - માં એકને રે આજે આછું શું સંભળાય ?
કે કાગબાળ પાંખોને દઇને હડસેલો
      કોયલ એક, ઠુકો વાળીને ઊડી જાય.
રે હેત મને સાંભર્યા છે જનમો જૂનાં,
      હડસેલો મને વાગ્યો છે વીસરાયા વ્હાલનો.
એક તરુડાળે માળામાં દીઠો સૂનકાર મેં
      ને મધરાતે ચાંદમાં દીઠી રે કૂવેલડી.
ને કંદરાએ કંદરાએ સાદ દીધો વળતો
      પણ પહાડોને પાંખો કપાયલી ન સાંપડી.
કોણ અહીં પડ્યું રહ્યું પગલાં થઇ કોનાં ?
      આ ચાંદો આજે ઊગ્યો છે કોઇ ગઇ કાલનો.
પગલાંમાંથી ચરણો ચાલ્યાં ગયાં છે કોનાં ?
      આ ચાંદો આજે ઊગ્યો છે કોઇ ગઇ કાલનો.

       – સિતાંશુ યશશ્ચંદ્ર (Sitanshu Yashshravandra. Madhratri ae koyal. Kavita in Gujarati. Literature and art site)

‘સુન્દરમ્’ ત્રિભોવનદાસ લુહાર – સૌંદર્ય

Tuesday, March 4th, 2008

'સુંદરમ' ત્રિભોવનદાસ લુહાર / 'Sundaram' Tribhuvandas Luhar

હું ચાહું છું સુન્દર ચીજ સૃષ્ટિની,
ને જે અસુન્દર રહી તેહ સર્વને
મૂકું કરી સુન્દર ચાહી ચાહી.

          – ‘સુંદરમ’ ત્રિભોવનદાસ લુહાર (‘Sundaram’ Tribhuvandas Luhar – Sawdariya. Vicharo, Shayari in Gujarati. Literature and art site)

ત્રિલોક મહેતા – જો મને

Monday, March 3rd, 2008

લાવ, તારો હાથ આપી જો મને
તું હૃદયમાં ક્યાંક સ્થાપી જો મને.

પ્રેમ જેનું મૂળ છે એ વૃક્ષ છું
લે, ઉખેડી કે ઉથાપી જો મને.

તું નસેનસમાં વહે છે રક્તવત
કોઇ પણ છેડેથી કાપી જો મને.

આભને પણ હું નયનમાં સંઘરું
જો ઉઠાવી આંખ માપી જો મને.

આમ તો હું કોઇની જડતો નથી
મન કરીને સ્થિર જાપી જો મને.

         - ત્રિલોક મહેતા(Trilok Mehta. Jo Mane. Ghazal in Gujarati. Literature and art site)

મીરાં બાઇ – રામ-રતન ધન પાયો

Sunday, March 2nd, 2008

પાયોજી મેને રામ-રતન ધન પાયો

વસ્તુ અમોલીક દી મેરે સતગુરૂ,
કિરપા કર અપનાયો … પાયોજી મેને

જનમ જનમકી પુંજી પાઇ,
જગમેં સભી ખોવાયો … પાયોજી મેને

ખરચૈ ન ખુટે, વાકો ન લૂટે,
દિન દિન બઢત સવાયો … પાયોજી મેને

સતકી નાવ, ખેવટિયા સતગુરૂ,
ભવ-સાગર તર આયો … પાયોજી મેને

મીરાં કે પ્રભુ ગિરિધર નાગર,
હરખ હરખ જસ ગાયો … પાયોજી મેને

          – મીરાં બાઇ (Mira Bai, Meera Bai, Meerabai, Mirabai – Ram ratan dhan paayo. Kavita / Poems, Lok sahitya in Gujarati. Literature and art site)

તારક મહેતા – પશ્ચિમવાળાઓ જેટલું ન કરે એટલું ઓછું

Saturday, March 1st, 2008

તારક મહેતા / Tarak Mehta

આખું વર્ષ જે સ્ત્રી વર અને ઘરનો બોજૉ વેંઢારતી હોય તેને એક દિવસ બરડે ચઢાવી સહેલ કરાવવાની ભાવના ઉત્તમ છે

ઉનાળાને ગુજરાતમાંથી ગયા પછી જાણ્ો યાદ આવ્યું હોય કે સાલુ, આ વખતે જૉઇએ એવો દેકારો મરયો નહીં એટલે હિંદી ફિલમની સિકવલની પેઠે ચોમાસાના ઇન્ટરવલમાં એણ્ો પાછી એન્ટ્રી મારી અને માંડ રાહત ભોગવી રહેલા લોકોને ઉકાળવા માંડયા. મેં બગીચામાં જવાનું શરૂ કર્યું હતું અને વડીલ વિષ્ણુભાઈની પેઠે મારા નેપકીનથી પરસેવો લૂછ્યા કરતો હતો ત્યાં ઓચિંતો ઞોકામાંથી જાગ્યો હોય તેમ બિહારીએ પૂછ્યું : ‘તારક તેં છાપામાં વાંરયું?’

‘શું?’‘ફિનલેન્ડના હેલસિન્કિમાં પત્નીને બરડા ઉપર બટાટાની ગુણની જેમ ઊંચકી દોડવાની પતિઓની હરીફાઈ થઈ.’
(more…)