Archive for August, 2009

સંદીપ ભાટિયા – બગીચાનો અનુવાદ

Tuesday, August 25th, 2009

સખી, અત્તરની શીશીમાં મોહ્યા
દૂરની સુગંધો પર માંડીને મીટ અમે આંગણના મોગરાને ખોયા

વાયરા પલાણ્યા, વંટોળિયાઓ બાંઘ્યા પણ ઓળખ્યા ના પોતાના શ્વાસને
એટલું ન સમજયા કે થાતું શું હોય છે ઝાકળ બંધાય ત્યારે ઘાસને

મલકયાનો હોઠવગો ભૂલી મલક અમે નકશાના ગામ કાજે રોયા
સખી, અત્તરની શીશીમાં મોહ્યા

આપણે પણછ થકી છૂટેલાં તીર નથી જેને ના હોય પાછું વળવું
કેડીથી અણજાણ્યા પાગલ પતંગિયાનું સાવ છે સહજ ભૂલા પડવું

ઝાઝા ના દૂર હવે રાખો સખી કે અમે ધબકારા છાતીવછોયા
સખી, અત્તરની શીશીમાં મોહ્યા.

         -સંદીપ ભાટિયા (Sandeep Bhatiya – Bagicha no anuvaad. Kavita in Gujarati. Literature and art site)

ધૈવત શુક્લ – ગમતાને ગમવાનું

Thursday, August 20th, 2009

ભમતા ને ભમવાનું,
રમતાને રમવાનું.

જમતાને જમવાનું,
વમતાને વમવાનું.

દમતાને દમવાનું,
નમતાને નમવાનું.

શમતાને શમવાનું ,
થમતા ને થમવાનું,

ખમતાને ખમવાનું.
ગમતાને ગમવાનું .

11.03.2009

         -ધૈવત શુક્લ(Dhaivat Shukla – Gamta ne gamavanu. Kavita in Gujarati. Literature and art site)

અટલ બિહારી વાજપેયી (અનુ. કલ્યાણી દેશમુખ) – આવો ફરી દીવા પ્રગટાવીએ

Tuesday, August 18th, 2009

ભરી બપોરે અંધારુ,
સૂરજ પડછાયાથી હાર્યુ,
અંતરતમનો પ્રેમ નીચોડી
બુઝાયેલી વાટ સળગાવી
આવો ફરી દીવા પ્રગટાવીએ

અમે પડાવને સમજ્યા મંઝીલ
લક્ષ્ય થયુ આઁખોથી દૂર
વર્તમાનના મોહજાળમાં
આવનારી કાલ ન ભૂલાય
આવો ફરી દીવા પ્રગટાવીએ

આહુતિ બાકી, યશ અધૂરો,
સગાંઓના વિધ્નોએ ઘેર્યો
છેલ્લે જયનું હથિયાર બનાવા
નવ દધીચિંના હાંડકાં ગાળ્યા
આવો ફરી દીવા પ્રગટાવીએ

          – અટલ બિહારી વાજપેયી (અનુ. કલ્યાણી દેશમુખ) (Atal Bihari Vajpayee (Translation Kalyani Deshmukh – Aavo phari diva pragataviyae. Kavita in Gujarati. Literature and art site)

પ્રીતમ લખલાણી – પગલું

Sunday, August 16th, 2009

પ્રીતમ લખલાણી /Preetam Lakhlani

રોજ સવારે ગાંધીચોકમાં ઝાડું વાળતાં
અઢળક પગલાંનો ઢગલો જોઈને-
બીડી ફૂંકતો રામજી વિચારે:
આ બધાંમાં સત્યનું પગલું કયું હશે?

         – પ્રીતમ લખલાણી

અન્ય રચનાઓ

  • પ્રીતમ લખલાણી – એકાંત
  • પ્રીતમ લખલાણી – કેળવણી
  • પ્રીતમ લખલાણી – ચાંદની
  • પ્રીતમ લખલાણી – પંખી
  • પ્રીતમ લખલાણી – પનિહારી
  • (Preetam Lakhlani – Pagalui. Kavita / Poems, Vicharo in Gujarati. Literature and art site)

    હિમાંશુ પટેલ – ઉનાળુ રસ્તો

    Thursday, August 13th, 2009

    તારા ઉનાળુ પડછાયા માટે
    તીવ્ર લાલસા છે; ફરીફરી
    પાછી ફર્યા કરતી લીલ જેવી.
    પથ્થર નીચે કળણમાં સંકોડાયેલી
    હવા હજું હુંફાળી છે. યાદ કર
    નિગાળો, પણ ખંડેર અને છ્તાં
    સઘળું વર્તમાન ; સપાટ ગોરાડુ તડકો
    છે, ડમરીંમાં છટા,નાજુકાઇ
    સૂક્ષ્મભેદ અને અંતહિન, અને
    કોઇ ધ્યેય નથી કેવળ પછીથી લોપપામે

    ૮-૭-૨૦૦૯

             -હિમાંશુ પટેલ(Himanshu Patel – Unalu rastoe. Kavita in Gujarati. Literature and art site)

    પન્ન નાયક – હું માગું

    Wednesday, August 5th, 2009

    કેટલાય સમયથી
    ઈશ્વર મારા પર રીઝયો નથી.
    એ રીઝે
    અને મને કશું માગવા કહે
    તો
    હું માગું-
    જડ થઈ ગયેલી
    ઉજ્જડ થઈ ગયેલી
    મારી કોરીધાકોર આંખોને અજવાળતાં
    ઝળઝળિયાં..

              – પન્ના નાયક (Panna Nayak. Hu Magu. Kavita in Gujarati. Literature and art site)