ડૉ. વિવેક મનહર ટેલર – છૂટી શકું તો બસ

ડૉ. વિવેક મનહર ટેલર / Dr. Vivek Tailor
એક તારી ગડમથલમાંથી છૂટી શકું તો બસ !
અડધી લખી ગઝલમાંથી છૂટી શકું તો બસ…

હું ‘હું છું’ના અમલમાંથી છૂટી શકું તો બસ,
જગની ભૂંડી નકલમાંથી છૂટી શકું તો બસ.

મારા સમયના વક્ષમાં હરપલ જે ખૂંચે છે,
એક જ એ આળી પલમાંથી છૂટી શકું તો બસ.

તારા વિશેનો માર્ગ તો સીધો છે, જાણું છું;
થોડો અગલબગલમાંથી છૂટી શકું તો બસ !

આ આયનાના ગામમાં બચવું છે સહેલું ક્યાં ?
એક મારા હમશકલમાંથી છૂટી શકું તો બસ.

ગઈકાલ આજનું ગળું ટૂંપ્યા કરે સતત,
ક્ષણભર આ દડમજલમાંથી છૂટી શકું તો બસ.

         - ડૉ. વિવેક મનહર ટેલર

અન્ય રચનાઓ

  • ડૉ. વિવેક મનહર ટેલર – એવો પત્થર વિશ્વમાં મળશે નહીં
  • ડૉ. વિવેક મનહર ટેલર – છૂટ છે તને
  • ડૉ. વિવેક મનહર ટેલર – કુંવારી નદીની તરસ
  • ડૉ. વિવેક મનહર ટેલર – ગઝલ
  • ડૉ. વિવેક મનહર ટેલર – મને આ સફર મળે
  • ડૉ. વિવેક મનહર ટેલર – મળતી રહે
  • ડૉ. વિવેક મનહર ટેલર – રોજ
  • ડૉ. વિવેક મનહર ટેલર – જમુનાનાં જળ
  • ડૉ. વિવેક મનહર ટેલર – નહિ રૂઠું
  • ડૉ. વિવેક મનહર ટેલર – શબ્દ
  • (Dr. Vivek Tailor – Chhuti sakhu toe bus. Ghazal in Gujarati. Literature and art site)

    Tags:

    6 Responses to “ડૉ. વિવેક મનહર ટેલર – છૂટી શકું તો બસ”

    1. Ramesh Patel says:

      ડૉશ્રી વિવેકભાઈ અને તેમનો ગઝલ પ્રેમ અને માર્ગદર્શન,
      સાહિત્ય રસિકો માટે સરસ ભાથુ છે.
      રમેશ પટેલ(આકાશદીપ)

    2. સરસ ગઝલ. ફરી માણવી ગમી.

    3. chhuti ne kya bas thay 6 bhai .

    4. સરસ ગઝલ.
      અગલબગલમાંથી છૂટી શકાતું હોત તો !

    5. pragnaju says:

      સરસ ગઝલ
      તારા વિશેનો માર્ગ તો સીધો છે, જાણું છું;
      થોડો અગલબગલમાંથી છૂટી શકું તો બસ !
      સરસ