કૃષ્ણ દવે – એને પેલ્લેથી ફાવે છે દેશી

એને પેલ્લેથી ફાવે છે દેશી
ઉડતા વિમાનમાં એ માગે છે રોટલો ને ચાવે ખારેકની પેશી

મેં કીધું ‘સુંટણી’ નહીં ‘ચૂંટણી’ કહેવાય

તો કે હમજ્યા ભાઈ હમજ્યા ઈ વાતને
દુનિયામાં કોઇ એવો રંગારો મળશે ?
જે રંગી દે કાગડાની નાતને ?
આ સોરે (ચોરે) બેહીને પેલા ખેંસતા’તા બીડીયું
આંઈ હવે ખુરશીયું ખેંશી…

એલા એક તો ઈ માંડ માંડ મંત્રી બન્યા ને પાછા માગે મલાઈદાર ખાતા
ભૂલી ગ્યા ઢેફામાં રખડી ખાતા’તા, ને હમ ખાવા દહ દિએ ન્હાતા…

મેં કીધું કે સત્તાની વહેંચણી કરાય

તો કે આખી ગુજરાત તને વેશી.
એને પેલ્લેથી ફાવે છે દેશી….

એલા છાશવારે શેના સૌ રાડ્યું પાડે છે આ નરબદા બંધ (નર્મદા બંધ) નથી થાતી ?
મેં કીધું કે સાહેબ જરા ધીમેથી બોલો લાગે છે વાત આ બફાતી
નરબદા ડોશીની ડેલીની વાત છે ને ? એલા મારી દેવાની એક ઠેશી..

આપણા જ ખેલાડી ખેંચે છે ટાંટિયા તો કેમ કરી થાહે આ ગોલ ?
મેં કીધું કે સાહેબ તમે છોડી દ્યો સત્તા તો આખોયે પ્રોબ્લેમ સોલ
તો કે કેમ કરી છોડું આ ખુરશી લગ પોંચવામાં વરહ લાગ્યા છે મને એંશી
એને પેલ્લેથી ફાવે છે દેશી….

         – કૃષ્ણ દવે (Krushna Dave – aane pehlae thi favae chhe desi. Kavita in Gujarati. Literature and art site)

Tags :
અન્ય રચનાઓ...
કૃષ્ણ દવે – એક ચકી ને ચકો
કૃષ્ણ દવે – માઈક મળે તો કોઈ છોડે
કૃષ્ણ દવે – છેવટે કંટાળી
કૃષ્ણ દવે – ઉગાડે એમ કદી ઉગવાનું નહીં
કૃષ્ણ દવે – લીમડાને આવી ગ્યો તાવ
કૃષ્ણ દવે – શું ગાવું?
કૃષ્ણ દવે – હા અથવા ના…
કૃષ્ણ દવે – વહીવટ
કૃષ્ણ દવે – શિક્ષણ ???