કૃષ્ણ દવે – લીમડાને આવી ગ્યો તાવ

લીમડાને આવી ગ્યો તાવ,
લીમડાના દાદા ક્યે કહી કહી ને થાકી ગ્યો,
જાવ હજી ફાસ્ટફૂડ ખાવ.

ટી-શર્ટ ને જીન્સવાળી માંજરી બિલાડી ક્યે આપણને દૂધ નહીં ફાવે !
પીત્ઝા ને બર્ગરની આખ્ખી આ પેઢીને રોટલી ને શાક ક્યાંથી ભાવે ?

વર્ષોથી બોટલમાં કેદી થઈ સડતા એ પીણાને પીવો ને પાવ.
જાવ હજી ફાસ્ટફૂડ ખાવ.

અપ ટુ ડેટ કાગડા ને કાગડીયું માઈકમાં મંડીપડ્યા છે કાંઈ ગાવા !
કંઈ પણ ભીંજાય નહી એવા ખાબોચીયામાં નીકળી પડ્યા છો તમે ન્હાવા ?

કૂંપળના ગીત લીલા પડતા મૂકીને ગાવ રીમિક્સના ગાણાઓ ગાવ.
જાવ હજી ફાસ્ટફૂડ ખાવ.

કાન એ કંઈ થૂંકવાનો ખૂણો નથી કે નથી પેટ એ કંઈ કોઈનો ઉકરડો,
આપણા આ ચહેરા પર બીજાના નખ્ખ શેના મારીને જાય છે ઉઝરડો ?

માંદા પડવાનું પોસાય કદિ કોઈને’ય સાંભળ્યા છે ડૉક્ટરના ભાવ ?

લીમડાને આવી ગ્યો તાવ
લીમડાના દાદા ક્યે કહી કહી ને થાકી ગ્યો,
જાવ હજી ફાસ્ટફૂડ ખાવ.

         – કૃષ્ણ દવે (Krushna Dave – Limbda ne aavi gayo taav. Kavita in Gujarati. Literature and art site)

Tags :
અન્ય રચનાઓ...
કૃષ્ણ દવે – એક ચકી ને ચકો
કૃષ્ણ દવે – માઈક મળે તો કોઈ છોડે
કૃષ્ણ દવે – છેવટે કંટાળી
કૃષ્ણ દવે – ઉગાડે એમ કદી ઉગવાનું નહીં
કૃષ્ણ દવે – એને પેલ્લેથી ફાવે છે દેશી
કૃષ્ણ દવે – શું ગાવું?
કૃષ્ણ દવે – હા અથવા ના…
કૃષ્ણ દવે – વહીવટ
કૃષ્ણ દવે – શિક્ષણ ???