કૃષ્ણ દવે – એક ચકી ને ચકો

એક ચકી ને ચકો મુંઝાઈ ગયા છે.
ચોખા ને મગના બે દાણા હતા ને? હવે ચાંચમાંથી એ પણ છીનવાઈ ગયા છે.

કોમ્પ્યુટર, મોબાઈલ, ટીવી, છે સોંઘા પણ એની રંધાય નહીં ખીચડી
ચકી ને ચકાના જીવન પર ત્રાટકી છે મોંઘવારી નામે એક વીજળી,
ફાઈવસ્ટાર મોલના ફાલેલા જંગલમાં નાનકડા સપના ખોવાઈ ગયા છે,
એક ચકી ને ચકો મુંઝાઈ ગયા છે.

મીનરલ વૉટરથી તો સસ્તા છે આંસૂ, ને મીઠી પણ લાગશે રસોઈ,
ખાંડ માટે ટળવળતી કીડીની પાસે જઈ આટલું તો સમજાવો કોઈ,
લાગે છે શેરડીના આખ્ખાયે વાઢને લુચ્ચા શિયાળીયા ખાઈ ગયા છે.
એક ચકી ને ચકો મુંઝાઈ ગયા છે.

ચકી ને ચકો ક્યે જુઓ સાહેબ હવે બોલાતું કેમ નથી, ચીં ચીં?
એવું તે શું છે આ કંઠમાં તે લાગે છે મારે છે ડંખ જેમ વીંછી,
એક્સરેમાં જોઈ અને ડૉક્ટર બોલ્યા કે ઘણા ડૂમા ગળામાં અટવાઈ ગયા છે.
એક ચકી ને ચકો મુંઝાઈ ગયા છે.

         – કૃષ્ણ દવે (Krushna Dave – aek chaki ne chako. Kavita in Gujarati. Literature and art site)

Tags :
અન્ય રચનાઓ...
કૃષ્ણ દવે – માઈક મળે તો કોઈ છોડે
કૃષ્ણ દવે – છેવટે કંટાળી
કૃષ્ણ દવે – ઉગાડે એમ કદી ઉગવાનું નહીં
કૃષ્ણ દવે – એને પેલ્લેથી ફાવે છે દેશી
કૃષ્ણ દવે – લીમડાને આવી ગ્યો તાવ
કૃષ્ણ દવે – શું ગાવું?
કૃષ્ણ દવે – હા અથવા ના…
કૃષ્ણ દવે – વહીવટ
કૃષ્ણ દવે – શિક્ષણ ???