મકરન્દ દવે – વિધાતાએ દીકરી ઘડીને


વિધાતાએ દીકરી ઘડીને ત્યારે ખૂબ ખાંતે
કસબી હાથેથી એણે કરી કમાલ !
રૂપનો અંબાર કરું, મીઠપ અપાર ભરું
ખજીનો ખૂટાડી કરું ખલકને ન્યાલ.

દેવીયું કનેથી માંગી લીધો મલકાટ
અને મધરાતે માપી સીમાડા સુદૂર,
ચપટીક રજ લીધી નખેતર તણી
અને દીકરીના આંખે ભર્યાં દમકતાં નૂર.

સાકરનો લઈને સવાદ એણે દીકરીમાં
તજ ને લવિંગ વળી ભેળવ્યાં જરીક,
સૂરજનાં ધોળાં ફૂલ હાસ ને હુલાસ દીધાં
જોઈ કારવીને કીધું, હવે કાંક ઠીક.

વિધાતાએ દીકરી ઘડીને વળી જોઈ જોઈ
વારે વારે હસું હસું થાય એનું મુખ
હૈયે એને હાશ, હર માવતર કાજે ધર્યું
હર્યુંભર્યું હેત, નર્યું નીતર્યું આ સુખ.

         – મકરન્દ દવે (Makrand Dave – Vidhata ae dikari ghadi ne . Poems in Gujarati. Literature and art site)

Tags :
અન્ય રચનાઓ...
મકરન્દ દવે – મારું એકાંત ફરી આપો
મકરન્દ દવે – નથી જ દૂર
મકરન્દ દવે – સૌંદર્યનું ગાણું મુખે મારે હજો
મકરન્દ દવે – હવે કેટલો વખત
મકરન્દ દવે – હારને હાર માની નથી
મકરન્દ દવે – કોઈ શબદ આવે આ રમતો
મકરન્દ દવે – અદકાં અજવાળાં એની આંખમાં રે લોલ
મકરન્દ દવે – નથી કોઈ
સમાચાર – ગુજરાતી સારસ્વત પરિચય
મકરન્દ દવે – ધૂળિયે મારગ
મકરન્દ દવે – લા-પરવા !
મકરન્દ દવે – હવેલીની પાછળ નમ્યો ચાંદ કેરો
મકરન્દ દવે – ગમતાંનો કરીએ ગુલાલ
મકરન્દ દવે નું નિધન શબ્દો સ્તબ્ધ