ફોર એસ વી -પ્રભાતનાં પુષ્પો

મેંદી તે વાવી માળવે ને
          એનો રંગ ગયો ગુજરાત રે
                    મેંદી રંગ લાગ્યો રે

નાનો દિયરડો લાડકો જે,
          કંઇ લાવ્યો મેંદીનો છોડ રે … મેંદી …

વાટી ઘૂંટીને ભર્યો વાટકો ને
          ભાભી રંગો તમારા હાથ રે … મેંદી …

હાથ રંગીને વીરા શું રે કરું?
          એનો જોનારો પરદેશ રે … મેંદી …

લાખ ટકા આલું રોકડા
          કોઇ જાજો દરિયા પાર રે … મેંદી …

નણદીના વીરને જઇને એટલું કહેજો કે
          તારી બેની પરણે ઘેર આવરે
                    મેંદી રંગ લાગ્યો ર,

મેંદી તે વાવી માળવે ને
          એનો રંગ ગયો ગુજરાત રે
                    મેંદી રંગ લાગ્યો રે.

          સાંભળો (click to listen)(Mehndi te vaavi maalvae. Lok Sahitya, Garba-Raas in Gujarati. Literature and art site)

This entry was posted on Friday, September 15th, 2006 at 5:08 am and is filed under ગરબા - રાસ (garba-raas), લોક સાહિત્ય (lok sahitya), સંગીત સાથે (audio). You can follow any responses to this entry through the RSS 2.0 feed. You can leave a response, or trackback from your own site.