તું અમારો છે તો ધરતીના ખુદા
તું અમારા જેવો ક્યારે લાગશે?
દોસ્તોએ, દુશ્મનોએ ભીંસી નાંખ્યો છે મને,
રામે રાખ્યો છે પરંતુ સૌએ ચાખ્યો છે મને.
સૂર્યને લલકારવા આવી હતી !
રાતને મેં ખૂબ સમજાવી હતી !
નજર ત્યારે જ એની રાહમાં પથરાઈ જાએ છે
કે જ્યારે એને જોવાની કોઈ ઈચ્છા નથી હોતી.
હું એક કોયડો નથી જેનો કોઈ ઉકેલ,
તું એક સવાલ જેના હજારો જવાબ છે !
સમયના ઘાવ ઝીલીને હું જ્યાં આજે દટાયો છું,
બને તો મારી ગઝલો એ મકાનોમાં લખી લેજો !
- અદી મિરઝાં (Adi Mirza. Sher – Ghazal in Gujarati. Literature and art site)
સુંદર સંકલન…
તું અમારા જેવો ક્યારે લાગશે? – સરસ…