મૂલ, તોલ ને માપ વિહોણા,
આપ વિહરિયેં આપ વિહોણા.
ભૂલ, ચૂક કે થાપ વિહોણા,
તિલક, માલા, છાપ વિહોણા.
પુણ્ય વિહોણા, પાપ વિહોણા,
જાગ્યા કરિયેં જાપ વિહોણા.
આખે આખા શ્વાસ સમર્પિત,
કાપાકૂપી, કાપ વિહોણા.
તરવેણીને તીર તબકિયેં,
ત્રણે પ્રકારે તાપ વિહોણા.
વંશી વણ પણ મે દીઠા છે,
દીઠા છે શરચાપ વિહોણા.
આ તો અમથો વેશ ધર્યો છે,
મૂળે તો મા-બાપ વિહોણા.
- રાજેન્દ્ર શુકલ (Rajendra Shukla. Mein Dithae chhe . Ghazal. Gujarati Literature and art site)
રાજેન્દ્ર શુક્લાની છાપવાળી ગઝલ… કવિનું નામ ન લખ્યું હોય તો ય ખબર પડી જાય કે કોણે લખી હશે !
[...] રાજેન્દ્ર શુક્લ – મેં દીઠા છે ! [...]