લવિંગ કેરી લાકડીએ રામે સીતાને માર્યાં જો !
ફૂલ કેરે દડુલિયે સીતાએ વેર વાળ્યાં જો !
રામ ! તમારે બોલડીએ હું પરઘેર બેસવા જઈશ જો !
તમે જશો જો પરઘેર બેસવા, હું વાતુડિયો થઈશ જો !
રામ ! તમારે બોલડીએ હું પરઘેર દળવા જઈશ જો !
તમે જશો જો પરઘેર દળવા, હું ઘંટુલો થઈશ જો !
રામ ! તમારે બોલડીએ હું પરઘેર ખાંડવા જઈશ જો !
તમે જશો જો પરઘેર ખાંડવા, હું સાંબેલું થઈશ જો !
રામ ! તમારે બોલડીએ હું જળમાં માછલી થઈશ જો !
તમે થશો જો જળમાં માછલી, હું જળમોજું થઈશ જો !
રામ ! તમારે બોલડીએ હું આકાશ વીજળી થઈશ જો !
તમે થશો જો આકાશ વીજળી, હું મેહુલિયો થઈશ જો !
રામ ! તમારે બોલડીએ હું બળીને ઢગલી થઈશ જો !
તમે થશો જો બળીને ઢગલી, હું ભભૂતિયો થઈશ જો !
(Ram. Lok Sahitya in Gujarati. Literature and art site)
ભજન જેવું લોકસાહીત્ય-કાવ્ય
લવિંગ કેરી લાકડીએ રામે સીતાને માર્યાં જો !
ફૂલ કેરે દડુલિયે સીતાએ વેર વાળ્યાં જો !
બાળપણથી ગાઈએ છીએ-આજે ફ્ર્રી ગાવાની મઝા
આ અતિ લોકપ્રિય લોકગીતમાં રામ-સીતા દૈવી અવતારને બદલે એક સામાન્ય પતિ-પત્નીના રૂપમાં કેટલાં સુંદર રીતે નિરૂપાયાં છે !
સાહજિક મીઠી તકરારમાં છુપાયેલા સ્નેહનું ઊંડાણ ખરેખર હૃદયસ્પર્શી છે.
ફરી ફરીને વાંચવું ગમે એવું લોકગીત