Category: સંગીત સાથે (audio)

સંગીત સાથે (audio)

જવાહર બક્ષી – એક અણસારનો પડદો છે

Jawahar Bakshi
એક અણસારનો પડદો છે ને ઘર ખુલ્લું છે
રોજ બત્તીનો સમય છે અને અંધારું છે.

ભૂખરાં વાદળો સાથે કરો તારા-મૈત્રી
ક્યાં કોઇ ખાસ પ્રતીક્ષામાં ભીંજાવાનું છે

ખીણમાં રોજ ગબડવાનું છે ખુલ્લી આંખે
ને ફરી ટોચ સુધી એકલા ચડવાનું છે

કોઇ પછડાટ નહીં, વ્હાણ નહીં, ફીણ નહીં
સંગે-મરમરની લહેરોમાં તણાવાનું છે

આ નગરમાં તો સંબંધોના ધૂમાડા જ ખપે
અહીંયાં ઊર્મિ તો અગરબત્તીનું અજવાળું છે.

         –સાંભળો (click to listen)

          – જવાહર બક્ષી

અન્ય રચનાઓ

  • જવાહર બક્ષી – ન કર
  • જવાહર બક્ષી – ફરી ન છૂટવાનું બળ
  • (Jawahar Bakshi – Ek aansar no padado chhe. Ghazal in Gujarati. Literature and art site)

    Tags :

    જવાહર બક્ષી – ફરી ન છૂટવાનું બળ

    Jawahar Bakshi

    ફરી ન છૂટવાનું બળ જમા કરે કોઇ
    પ્રસંગ, નહિ તો મિલનના જતા કરે કોઇ

    મને ઘણાય તમારો સંબંધ પૂછે છે
    તમારી પણ કદી એવી દશા કરે કોઇ

    તમારી પાસ જવાની નથી થતી ઇચ્છા
    મને ફરીથી જવાની મના કરે કોઇ

    ભલે અવાજની ક્ષિતીજમાં જઇ ન શકાય
    વિચારને તો જતા – આવતા કરે કોઇ

    કોઇ નજીક નથી – એ વિષે હું કૈં ન કહું
    આ સંકડાશ વિષે સ્પષ્ટતા કરે કોઇ

    ગુન્હા કર્યા તો ‘ફના’ મેં ગુન્હા તમારા કર્યા
    મને એ માન્ય નથી કે સજા કરે કોઈ.

             –સાંભળો (click to listen)

              – જવાહર બક્ષી

  • જવાહર બક્ષી – ન કર
  • (Jawahar Bakshi – Fari n chhutavanu baal. Ghazal in Gujarati. Literature and art site)

    Tags :

    અમૃત ઘાયલ – અમે ધારી નહોતી

    અમૃત ઘાયલ / Amrut Ghayal

    અમે ધારી નહોતી એવી અણધારી કરી લીધી,
    અજાણી આંખડીએ ચોટ ગોઝારી કરી લીધી.

    કોઈનાથી અમે બે વાત શું પ્યારી કરી લીધી!
    જવાનીમાં મરણની પૂર્વતૈયારી કરી લીધી.

    અમે મગરૂર મનને મારી લાચારી કરી લીધી,
    કરી લીધી જીવન તારી તરફદારી કરી લીધી.

    ઘડીઓ આ જુદાઈની અને તે પણ જવાનીમાં?
    અમે આ પણ સહન તલવાર બેધારી કરી લીધી.

    મને કંઈ વાત તો કરવી હતી અલગારી મન મારા,
    વળી કોના થકી તેં પ્રીત પરબારી કરી લીધી!

    ભલે એ ના થયાં મારાં, ભલા આ સ્નેહ શું કમ છે?
    ઘડીભર સાથ બેસી વાત બે પ્યારી કરી લીધી.

    કસુંબલ આંખડીના આ કસબની વાત શી કરવી?
    કલેજું કોતરી નાજુક મીનાકારી કરી લીધી.

    મઝાની ચાંદનીમાં નોતરી બેઠા ઉદાસીને,
    અમે હાથે કરીને રાત અંધારી કરી લીધી.

    હવે મિત્રો ભલે ગુસ્સો ગઝલ પર ઠાલવે ઘાયલ,
    અમારે વાત બે કરવી હતી પ્યારી, કરી લીધી.

             –સાંભળો (click to listen)

             -અમૃત ‘ઘાયલ’

  • અમૃત ઘાયલ – આરપાર જીવ્યો છું
  • અમૃત ઘાયલ – મને ગમે છે
  • અમૃત ઘાયલ – રડી લઉં છું
  • અમૃત ઘાયલ – વગર
  • અમૃત ઘાયલ – હું ય પાયો છું
  • (Amrut Ghayal – Aame Dhari Nahuti. Ghazal in Gujarati. Literature and art site)

    Tags :

    લોક સાહિત્ય – મારી વેણીમાં ચાર ચાર ફૂલ

    મારી વેણીમાં ચાર ચાર ફૂલ,
    અંબોડલે સોહે, સોહામણી ઝૂલ

    પહેલું ફૂલ,
    જાણે મારા સસરાજી શોભતા
    જાણે પેલું મોગરાંનું ફૂલ
    એની સુવાસે મ્હેકે ઘર ઘરનો ઓરડો
    ગંભીરને સૌમાં અતુલ
    મારી વેણીમાં ચાર ચાર ફૂલ…

    બીજું ફૂલ,
    જાણે મારા સાસુજી આકરા
    જાણે પેલું સૂર્યુમુખી ફૂલ
    સૂરજ ઉગતાની સાથે માંડતુ એ મ્હેકવા
    સાંજ સુધી કાઢતું એ ભૂલ
    મારી વેણીમાં ચાર ચાર ફૂલ…

    ત્રીજું ફૂલ
    જાણે મારી નણંદ પેલી નાનકી
    જાણે પેલું ચંપાનું ફૂલ
    જ્યારે જુઓ ત્યારે ખીલ્યું ને ફાલ્યું
    મસ્તીમાં રહેતું મશગૂલ
    મારી વેણીમાં ચાર ચાર ફૂલ…

    ચોથું ફૂલ
    જાણે મારા હૈયાના હારનું
    જાણે પેલું રાતરાણી ફૂલ
    દિવસેના બોલે એ મોટાના માનમાં
    રાતડીએ બોલે બૂલબૂલ
    મારી વેણીમાં ચાર ચાર ફૂલ…

              સાંભળો (click to listen)(Mari Vani na char char phool. Lok Sahitya, Garba-Raas in Gujarati. Literature and art site)

    લોક સાહિત્ય – દેવના દીધેલ

    લોક સાહિત્ય – દેવના દીધેલ

              સાંભળો (click to listen)

    ૐ જય લક્ષ્મી માતા

    (via અમીઝરણું )લક્ષ્મી માતા / Lakshmi Mata

    ૐ જય લક્ષ્મી માતા, મૈયા જય લક્ષ્મી માતા,
    તુમ કો નિસદિન સેવત, હર વિષ્ણુ ધાતા. ૐ…

    ઉમા, રમા, બ્રહ્માણી, તુમ હી જગ-માતા,
    સૂર્ય-ચન્દ્રમા ધ્યાવત, નારદ ઋષિ ગાતા. ૐ…

    દુર્ગારૂપ નિરંજની, સુખ-સમ્પતિ દાતા,
    જો કોઇ તુમ કો ધ્યાવત, રિદ્ધિ સિદ્ધિ ધન પાતા. ૐ…

    તુમ પાતાલ નિવાસિની, તુમ હી શુભદાતા,
    કર્મ પ્રભાવ પ્રકાશિની, ભાવનિધિકી દાતા. ૐ…

    જિસ ઘર તુમ રહતી, તહં સબ સદ્દગુણ આતા,
    સબ સંભવ હો જાતા, મન નહિ ઘબરાતા. ૐ…

    તુમ બિન યજ્ઞ ન હોતે, વસ્ત્ર ન હો પાતા,
    ખાન-પાન કા વૈભવ, સબ તુમસે આતા. ૐ…

    શુભ-ગુણ મંદિર સુંદર, ક્ષીરોવધિ જાતા,
    રત્ન ચતુર્દશ તુમ બિન, કોઇ નહિ પાતા. ૐ…

    મહાલક્ષ્મીજી કી આરતી, જો કોઇ નર ગાતા,
    ઉર આનંદ સમાતા, પાપ ઊતર જાતા. ૐ.

             સાંભળો (click to listen)(Lakshmi Mata Aarti. In Gujarati. Literature and art site)

    લોક સાહિત્ય – સાથીયા પુરાવો દ્વારે

    (via ટહુકો an excellent site)

    સાથીયા પુરાવો દ્વારે, દિવાડા પ્રગટાવો રાજ…
    આજ મારે આંગણે પધારશે માં પાવાવાળી..

    વાંઝિયાનો મેણો ટાળી રમવા રાજકુમાર દે માં, ખોળાનો ખુંદનાર દે
    કુંવારી કન્યાને માડી મનગમતો ભરથાર દે માં, પ્રિતમજીનો પ્યાર દે

    નિર્ધનને ધનધાન આપે, રાખે માડી સૌની લાજ
    આજ મારે આંગણે પધારશે માં પાવાવાળી..

    કુમકુમ પગલા ભરશે માડી સાતે પેઢી તરશે
    આદ્યશક્તિ માં પાવાવાળી પીડા જનમ જનમની હરશે

    દૈ દૈ તાળી ગાઓ આજ વાજિંત્રો વગડાવો રાજ
    આજ મારે આંગણે પધારશે માં પાવાવાળી..

              સાંભળો (click to listen)(Sathiya puravo. Lok Sahitya, Garba-Raas in Gujarati. Literature and art site)

    અવિનાશ વ્યાસ – તાલીઓના તાલે ગોરી

    તાલીઓના તાલે ગોરી ગરબે ઘૂમી ગાય રે,
    પૂનમની રાત … ઊગી પૂનમની રાત …
    આસમાની ચૂંદડીમાં, લહેરણિયાં લ્હેરાય રે,
    પૂનમની રાત … ઊગી પૂનમની રાત …
    ગોરો ગોરો ચાંદલિયો ને દિલ ડોલાવે નાવલિયો,
                      કહેતી મનની વાત રે …
    પૂનમની રાત … ઊગી પૂનમની રાત …
    તાલીઓના તાલે ગોરી ગરબે ઘૂમી ગાય રે,
    પૂનમની રાત … ઊગી પૂનમની રાત …

    ઓરી ઓરી આવ ગોરી, ઓરી ઓરી,
    ચાંદલિયો હિંચોળે તારા હૈયા કેરી દોરી,
                      રાતલડી રળિયાત રે …
    પૂનમની રાત … ઊગી પૂનમની રાત …
    તાલીઓના તાલે ગોરી ગરબે ઘૂમી ગાય રે,
    પૂનમની રાત … ઊગી પૂનમની રાત …

    ગરબે ઘૂમો, ગોરી ગરબે ઘૂમો,
    રૂમો ઝૂમો, ગોરી રૂમો ઝૂમો,
    રસ રમે જાણે શામળિયો ,
                      જમુનાજીને ઘાટ રે …
    પૂનમની રાત … ઊગી પૂનમની રાત …
    તાલીઓના તાલે ગોરી ગરબે ઘૂમી ગાય રે,
    પૂનમની રાત … ઊગી પૂનમની રાત …

              – અવિનાશ વ્યાસ

             સાંભળો (click to listen)
    (Avinash Vyas. Taaliyo na taal ae gori. Lok Sahitya, Garba-Raas in Gujarati. Literature and art site)

    Tags :

    નરસિંહ મહેતા – ખમ્મા, મારા નંદજીના લાલ

    ખમ્મા, મારા નંદજીના લાલ,
    મોરલી ક્યાંરે વગાડી?

    હું રે સૂતી’તી મારા શયનભવનમાં,
    સાંભળ્યો મોરલીનો નાદ … મોરલી … ખમ્મા …

    ભર રે નીંદરમાંથી ઝબકીને જાગી,
    ભૂલ ઈ ગૈઅ સુધ ભાન સાન … મોરલી … ખમ્મા …

    પાણીડાંની મસે જીવન જોવાને હાલી,
    દીઠાં મેં નંદજીના લાલ … મોરલી … ખમ્મા …

    દોણું લૈઅને ગૌ દો’વાને બેઠી,
    નેતરાં લીધાં હાથ … મોરલી … ખમ્મા …

    વાછરુ વરારે મેં તો છોકરાંને બાંધ્યાં
    નેતરાં લૈઅને હાથ
    મોરલી ક્યાં રે વગાડી?

    ખમ્મા, મારા નંદજીના લાલ,
    મોરલી ક્યાંરે વગાડી?

              – નરસિંહ મહેતા

             સાંભળો  (click to listen)
    or
             સાંભળો  (click to listen)

    (Narsinh Mehta. Khamma mara nandji na lal. Lok Sahitya, Garba-Raas in Gujarati. Literature and art site)

    Tags :

    વલ્લભ ભટ્ટ – મા પાવા તે ગઢથી ઊતર્યા

    (રાગ: ભીમ પલાસ, તાલ: ખેમટો)

    મા પાવા તે ગઢથી ઊતર્યા, મા કાળી રે,
    માએ વસાવ્યું ચાંપાનેર, પાવાગઢવાળી રે.

    મા ચાંપા તે નેરના ચાર ચૌટા મા કાળી રે,
    સોનીએ માંડ્યાં હાટ, પાવાગઢવાળી રે. મા પાવા તે ગઢથી …

    મા સોનીડો લાવે રૂડાં ઝૂમણાં, મા કાળી રે,
    મારી અંબા માને કાજ, પાવાગઢવાળી રે. મા પાવા તે ગઢથી …

    મા માળી તે આવે મલપતો, મા કાળી રે,
    એ તો લાવે છે ગજરાની જોડ, પાવાગઢવાળી રે. મા પાવા તે ગઢથી …

    મા કુંભારી આવે મલપતો, મા કાળી રે,
    એ તો લાવે છે ગરબાની જોડ, પાવાગઢવાળી રે. મા પાવા તે ગઢથી …

    મા સુથીરી આવે મલપતો, મા કાળી રે,
    એ તો લાવે છે બાજઠની જોડ, પાવાગઢવાળી રે. મા પાવા તે ગઢથી …

    મા ગાય શીખે ને સાંભળે, મા કાળી રે,
    તેની અંબા મા પૂરજો આશ, પાવાગઢવાળી રે. મા પાવા તે ગઢથી …

              – વલ્લભ ભટ્ટ

             સાંભળો (click to listen with intro)

             સાંભળો (click to listen with intro)

             સાંભળો (click to listen in female voice)

    (Vallabh Bhatt . Ma Pavate Ghadthi Utarya Ma Kali Re . Lok Sahitya, Garba-Raas in Gujarati. Literature and art site)

    Tags :

    આરતી – શ્રી અંબામાની આરતી

                               Goddess Ambe

    Mataji's Aarti

    સાંભળો (click to listen in male voice)

    સાંભળો (click to listen in female voice)

    (Jai Adhyay Shakti Mataji Ambe Aarti. Bhajans Aartis in Gujarati. Literature and art site)

    લોક સાહિત્ય – હું તો કાગળિયાં લખી લખી થાકી

    હું તો કાગળિયાં લખી લખી થાકી,
             કાનુડા તારા મનમાં નથી.

    આવા શિયાળાના ચાર ચાર મહિના આવ્યા,
             મારાં કાળજડાં ઠરી ઠરી જાય રે,
                      છોગાળા તારા મનમાં નથી.
                               … હું તો …

    આવા ઉનાળાના ચાર ચાર મહિના આવ્યા,
             મારા પાવલિયા બળી બળી જાય રે,
                      છબીલા તારા મનમાં નથી.
                               … હું તો …

    આવા ચોમાસાના ચાર ચાર મહિના આવ્યા,
             મારી ચૂંદલડી ભીંજાઇ ભીંજાઇ જાય રે,
                      વહાલીડા તારા મનમાં નથી.

    હું તો કાગળિયાં લખી લખી થાકી,
             કાનુડા તારા મનમાં નથી.

              સાંભળો (click to listen)(Hu Toe Kagaliya Lakhi Lakhi Thaki. Lok Sahitya, Garba-Raas in Gujarati. Literature and art site)

    લોક સાહિત્ય – પાણી ગ્યાં’તાં રે

    પાણી ગ્યાં’તાં રે, બેની અમે તળાવનાં રે,
    પાળેથી લપસ્યો પગ, બેડાં મારાં નંદવાણાં રે.

    ચોરે બેઠા રે બેની, મારા સસરાજી રે,
    કેમ કરી ઘરમાં જઇશ? બેડાં મારાં નંદવાણાં રે … પાણી …
    લાંબા તાણીશ રે બેની, મારા ઘૂંઘટા રે,
    હળવી હળવી જઇશ, બેડાં મારાં નંદવાણાં રે … પાણી …

    ડેલીએ બેઠા રે બેની, મારા જેઠજી રે,
    કેમ કરી ઘરમાં જઇશ? બેડાં મારાં નંદવાણાં રે … પાણી …
    સરડક તાણીશરે બેની, મારા ઘૂંઘટા રે,
    હળવી હળવી જઇશ, બેડાં મારાં નંદવાણાં રે … પાણી …

    મેડીએ બેઠો રે બેની, મારો પરણ્યો રે,
    કેમ કરી ઘરમાં જઇશ? બેડાં મારાં નંદવાણાં રે … પાણી …
    આછા તાણીશરે બેની, મારા ઘૂંઘટા રે,
    રૂમઝૂમ કરતી જઇશ, બેડાં મારાં નંદવાણાં રે … પાણી …

    પાણી ગ્યાં’તાં રે, બેની અમે તળાવનાં રે,
    પાળેથી લપસ્યો પગ, બેડાં મારાં નંદવાણાં રે.

              સાંભળો (click to listen)(Pani gyata re. Lok Sahitya, Garba-Raas in Gujarati. Literature and art site)

    ઇન્દુલાલ ગાંધી – મેંદી તે વાવી માળવે

    મેંદી તે વાવી માળવે ને
              એનો રંગ ગયો ગુજરાત રે
                        મેંદી રંગ લાગ્યો રે

    નાનો દિયરડો લાડકો જે,
              કંઇ લાવ્યો મેંદીનો છોડ રે … મેંદી …

    વાટી ઘૂંટીને ભર્યો વાટકો ને
              ભાભી રંગો તમારા હાથ રે … મેંદી …

    હાથ રંગીને વીરા શું રે કરું?
              એનો જોનારો પરદેશ રે … મેંદી …

    લાખ ટકા આલું રોકડા
              કોઇ જાજો દરિયા પાર રે … મેંદી …

    નણદીના વીરને જઇને એટલું કહેજો કે
              તારી બેની પરણે ઘેર આવરે
                        મેંદી રંગ લાગ્યો ર,

    મેંદી તે વાવી માળવે ને
              એનો રંગ ગયો ગુજરાત રે
                        મેંદી રંગ લાગ્યો રે.

             – ઇન્દુલાલ ગાંધી(Indulal Gandhi – Mehndi te vaavi maalvae. Poems in Gujarati. Literature and art site)

              સાંભળો (click to listen)(Mehndi te vaavi maalvae. Lok Sahitya, Garba-Raas in Gujarati. Literature and art site)

    Tags :

    લોક સાહિત્ય – ઝૂલણ મોરલી વાગી રે રાજાના કુંવર !

    ઝૂલણ મોરલી વાગી રે રાજાના કુંવર !
    હાલોને જોવા જંઇયે રે, મોરલી વાગી રે રાજાના કુંવર ! ઝૂલણ.

    ચડવા તે ઘોડો હંસલો રે, રાજાના કુંવર !
    પિતણિયાં પલાણ રે, મોરલી વાગી રે રાજાના કુંવર ! ઝૂલણ.

    બાંયે બાજુબંધ બેરખા રે, રાજાના કુંવર !
    દશે આંગળીએ વેઢ રે, મોરલી વાગી રે રાજાના કુંવર ! ઝૂલણ.

    માથે મેવાડી મોળિયાં રે રાજાના કુંવર !
    ખભે ખંતીલો ખેસ રે, મોરલી વાગી રે રાજાના કુંવર ! ઝૂલણ.

    પગે રોઠોડી મોજડી રે, રાજાના કુંવર !
    ચાકે મટકતી ચાલ્યા રે, મોરલી વાગી રે રાજાના કુંવર ! ઝૂલણ.

             સાંભળો  (click to listen)
    (Zulan morali vaagi re raaja na kuvar. garba raas, lok sahitya in Gujarati. Literature and art site)